Madrid, 1 Abril 08. O BNG decidiu absterse na votación de José Bono como Presidente do Congreso dos Deputados, mentras que votaba a favor dos candidatos de CIU (Jordi Jané) e PNV (Joseba Belloqui) como membros da Mesa da Cámara.

O deputado do BNG, Francisco Jorquera, explicou en declaracións aos medios de comunicación que “a nosa decisión de nos abster, no canto de votar en contra, é unha mostra de boa vontade porque continuamos abertos ao diálogo co PSOE, máis temos que dicer que polo de agora non nos consideramos satisfeitos coas respostas do PSOE aos plantexamentos realizados polo BNG”, en referencia á solicitude do BNG e doutros grupos para que o Grupo Mixto se subdivida.